КЕМЕЛ ТОҚАЕВ БАЙҚАУЫНЫҢ ЖЕҢІМПАЗЫ: "К. Тоқаевтың ғұмырлық шарайнасы" д.фильм. Олжас Айдарбек

21.09.2018 ж. Әл-Фараби атындағы ҚазҰУ Журналистика факультеті Кемел Тоқаевтың 95 жылдық мерейтойына орай «Кемел Тоқаев - жазушы, журналист, қайраткер» атты  республикалық ғылыми-тәжірибелік конференция ұйымдастырды.  Шара аясында К. Тоқаевтың өмірі мен шығармашылығына арналған студенттер, магистранттар, PhD-докторанттар мен жас ғалымдар арасында журналистика саласына қатысты жеті аталым бойынша «Елім деп соққан жүрегі» атты байқау ұйымдастырылды.  Мұндағы мақсат: студенттердің жалпы журналистикадағы алғашқы еңбектерін эфирге даярлау және репортерлік шеберлігін шыңдау, Тоқаев тәлімгерлігін жалғастыру.  Кемел Тоқаев атындағы Байқаудың «үздік тележоба» аталымы бойынша жеңімпазы «Кемел Тоқаевтың ғұмырлық шарайнасы» деректі фильмі, авторы Олжас Айдарбек (ҚазҰУ Журфак. 3 курс). Олжасты жеңісімен құттықтаймыз! Алдағы уақытта осылай белсенді болып, бұдан да сапалы дүниелер дайындайды деп сенеміз.